ಒಂದನೇ ತರಗತಿಯಿಂದ 8ನೇ ತರಗತಿಯವರೆಗೆ ಓದದೇ ಹೋದ್ರು ಮಕ್ಕಳು ಪಾಸ್ ಆಗ್ತಾರೆ ಅಂತಾ ನಿಶ್ಚಿಂತೆಯಿದ್ದಿದ್ದ ಪಾಲಕರು ಈಗ ಎಚ್ಚೆತ್ತುಕೊಳ್ಳಬೇಕಾಗಿದೆ. ನಿಮ್ಮ ಮಕ್ಕಳೂ 5 ರಿಂದ 8ನೇ ತರಗತಿ ಮಧ್ಯೆ ಓದುತ್ತಿದ್ದರೆ ಮಕ್ಕಳ ಅಭ್ಯಾಸದ ಬಗ್ಗೆ ಗಮನ ನೀಡುವ ಅವಶ್ಯಕತೆಯಿದೆ. ಯಾಕೆಂದ್ರೆ ಓದದ ಮಕ್ಕಳು ಮುಂದಿನ ಕ್ಲಾಸ್ ಗೆ ಹೋಗಲ್ಲ. ಪಾಸಿಂಗ್ ನಿಯಮ ಬದಲಾಗಿದೆ.ಬುಧವಾರ ನಡೆದ ಕೇಂದ್ರ ಸಚಿವ ಸಂಪುಟ ಸಭೆಯಲ್ಲಿ ಶಾಲೆಗಳಲ್ಲಿ ಫೇಲ್ ಮಾಡದ ನಿಯಮವನ್ನು ರದ್ದು ಮಾಡಲಾಗಿದೆ. ಕಡ್ಡಾಯ ಶಿಕ್ಷಣ ಹಕ್ಕು ಮಸೂದೆಗೆ ತಿದ್ದುಪಡಿ ತರಲಾಗ್ತಿದೆ. ಈ ತಿದ್ದುಪಡಿಯಡಿ ರಾಜ್ಯಗಳಲ್ಲಿ 5-8ನೇ ತರಗತಿಯೊಳಗಿನ ಮಕ್ಕಳನ್ನು ಪಾಸ್ ಮಾಡುವ ನಿಯಮ ಇನ್ಮುಂದೆ ಇರೋದಿಲ್ಲ. ಮಕ್ಕಳಿಗೆ ಪರೀಕ್ಷೆ ಬರೆಯಲು ಇನ್ನೊಂದು ಅವಕಾಶ ಸಿಗಲಿದೆ.ಮಾರ್ಚ್ ಒಳಗೆ 8ನೇ ತರಗತಿಯೊಳಗಿನ ಮಕ್ಕಳಿಗೆ ಪರೀಕ್ಷೆ ನಡೆಯುತ್ತದೆ.
ಫೇಲ್ ಆದ ಮಕ್ಕಳಿಗೆ ಮೇನಲ್ಲಿ ಮತ್ತೆ ಪರೀಕ್ಷೆ ನಡೆಯುತ್ತದೆ. ಆದ್ರೆ ಎರಡೂ ಪರೀಕ್ಷೆಯಲ್ಲಿ ಫೇಲ್ ಆದ ಮಕ್ಕಳು ಅದೇ ತರಗತಿಯಲ್ಲಿ ಮುಂದುವರೆಯಲಿದ್ದಾರೆ. ಮಕ್ಕಳಿಗೆ ಮೂಲ ಶಿಕ್ಷಣ ನೀಡಲು ಹಾಗೂ ಪರೀಕ್ಷೆ ಒತ್ತಡ ಕಡಿಮೆ ಮಾಡಲು ಹಿಂದೆ ಪಾಸಿಂಗ್ ನಿಯಮ ಜಾರಿಗೆ ತರಲಾಗಿತ್ತು. ಈಗ ಐದನೇ ತರಗತಿಯಿಂದ 8ನೇ ತರಗತಿ ಮಕ್ಕಳಿಗೆ ಪಾಸಿಂಗ್ ನಿಯಮವಿರುವುದಿಲ್ಲ.ಇದಕ್ಕೆ 25 ರಾಜ್ಯಗಳು ಈಗಾಗಲೇ ಒಪ್ಪಿಗೆ ನೀಡಿವೆ. ಇದು ರಾಜಕೀಯ ಅಜೆಂಡಾ ಅಲ್ಲ, ರಾಷ್ಟ್ರೀಯ ಅಜೆಂಡಾ ಎಂದು ಶಿಕ್ಷಣ ಮಂತ್ರಿಗಳು ಹೇಳಿದ್ದಾರೆ.