ಸಿಂಹದ ಮರಿಗಳು
ನಮ್ಮ ಸೈನಿಕರು
ಸಿಡಿದೆದ್ದು ನಿಂತರೆ
ನಿರ್ನಾಮ ಶತ್ರುಗಳು
'ಉರಿ'ಯ ತನ್ನವರ ಬಲಿದಾನ
ಕೆಣಕಿತ್ತು ಯೋಧರ ಸ್ವಾಭಿಮಾನ
ಶತ್ರು ಆಕ್ರಮಿತ ನೆಲದಲ್ಲೇ
ನೆತ್ತರು ಚೆಲ್ಲಿ ನೀಡಿತು ತರ್ಪಣ
ಶಸ್ತ್ರಗಳು ಮಲಗಿದ್ದ ವೇಳೆ
ದಾಳಿ ನಡೆಸಿ ಬೀಗಿದ ಹೇಡಿಗಳು
ಶಸ್ತ್ರಸಜ್ಜಿತ ನೆಲೆಗಳ ಮೇಲೆ
ಎರಗಿ ಸೇಡು ತೀರಿಕೊಂಡ ಕಲಿಗಳು
ಶಾಂತಿಮಂತ್ರ ಪಠಿಸುವ ನಮ್ಮಲ್ಲಿ
ಕ್ರಾಂತಿಯ ಸ್ಫೋಟಿಸಿ ಸದೆಬಡಿದರು
ಸುಮ್ಮಸುಮ್ಮನೆ ಕೆಣಕಿದರೆ
ಕೈಕಟ್ಟಿ ಕೂರುವವರಲ್ಲ ನಮ್ಮ ಯೋಧರು
ಅಮಾಯಕರ ಸಾವಿನ ಬೆಲೆ
ತೆತ್ತಾಯಿತು ಆ ಶತ್ರು ನೆಲೆ
ಉಗ್ರವಾದಕೆ ಕೊನೆ ಹಾಡಲು
ಉತ್ತರ ಕೊಟ್ಟಿತು ನಮ್ಮ ಯೋಧಪಡೆ
ಅಭಿಮಾನದೊಂದು ನಮನ
ಆತ್ಮವಿಶ್ವಾಸ ಮೂಡಿದ ಕ್ಷಣ
ಕೈಲಾಗದವರಲ್ಲ ನಾವು
ಕೈ ಎತ್ತಿದರೆ ಶರಣಾಗುವುದು ಸಾವು
