ಕಣ್ಣಿನ ಬಗ್ಗೆ ಇಲ್ಲಿಯ ವರೆಗೆ ವೈಜ್ಞಾನಿಕ ಸಂಶೋಧನೆಗಳು ಹೊರಹಾಕಿರೋ 30 ನಂಬಲಾರದ ಸತ್ಯಗಳು

ಕ್ಯಾಮೆರಾ ಗೀಮೆರಾ ಎಲ್ಲ ಯಾವ ಮೂಲೆ?

ಮನುಷ್ಯನ ಕಣ್ಣು ನಿಜವಾಗಲೂ ಎಷ್ಟೊಂದು ವಿಶೇಷತೆಗಳನ್ನ ಹೊಂದಿದೆ ಅಂದ್ರೆ ಅದರ ಬಗ್ಗೆ ತಿಳ್ಕೋತಾ ಹೋದಷ್ಟೂ ಕುತೂಹಲ ಜಾಸ್ತಿ ಆಗ್ತಾ ಹೋಗುತ್ತೆ. ಈ ಕುತೂಹಲ ವಿಜ್ಞಾನಿಗಳ್ನ ಸತತವಾಗಿ ಕಣ್ಣಿನ ಬಗ್ಗೆ ಸಂಶೋಧನೆಗಳಿಗೆ ಹಚ್ಚಿದೆ. ನಮ್ ಮೈಯ್ಯಲ್ಲಿರೋ ಒಂದು ಸಣ್ಣ ಅಂಗದ ಕೀರ್ತಿ ಅಂತಿಂಥದ್ದಲ್ಲ! ಇಲ್ಲೀವರೆಗಿನ ಸಂಶೋಧನೆಗಳ ಪ್ರಕಾರ ಕಣ್ಣಿನ ಬಗ್ಗೆ ಈ 30 ವಿಷಯಗಳ್ನ ಓದಿ ನಿಮಗೆ ಆಶ್ಚರ್ಯ ಆಗೋದು ಖಂಡಿತ...

1. ನೀವು ತುಂಬಾ ಪ್ರೀತಿಸೋ ವ್ಯಕ್ತೀನ ನೋಡಿದಾಗ ನಿಮ್ಮ ಕಣ್ಣಿನ ಪಾಪೆ 45% ಹಿಗ್ಗುತ್ತೆ!
ಇದನ್ನ ನೀವೇ ಗಮನಿಸ್ಕೊಳಕ್ಕಾಗಲ್ಲ.

2. ನಮ್ಮ ಕಣ್ಣಿಗೆ ಕಾಣೋದು ಬರೀ 3 ಮೂಲಭೂತ ಬಣ್ಣಗಳು ಮಾತ್ರ (ಕೆಂಪು-ಹಸಿರು-ನೀಲಿ)
ಉಳಿದೆಲ್ಲಾ ಬಣ್ಣಗಳೂ ಇವುಗಳ ಹೊಂದಾಣಿಕೆ ಇಂದಾನೇ ಆಗಿರುತ್ವೆ.

3. ಒಂದೊಂದು ಕಣ್ಣಲ್ಲೂ 107 ಮಿಲಿಯನ್ ಜೀವಕೋಶಗಳಿರುತ್ವೆ
ಅವೆಲ್ಲಾವೂ ತುಂಬಾ ಸೂಕ್ಷ್ಮವಾದುವು. ತುಂಬಾ ಬೆಳಕಿದ್ರೆ ನಲುಗಿ ಹೋಗುತ್ವೆ.

4. ಗಂಡಸ್ರಲ್ಲಿ 8% ಜನರಿಗೆ ಎಲ್ಲಾ ಬಣ್ಣಗಳೂ ಕಾಣೋದಿಲ್ಲ
ಕೆಲವ್ರಿಗೆ ಹಸಿರು ಕಾಣಲ್ಲ, ಕೆಲವ್ರಿಗೆ ಕೆಂಪು ಕಾಣಲ್ಲ. ಕೆಲವರ್ಗೆ ಎಲ್ಲಾ ಕಪ್ಪು-ಬಿಳುಪೇ!

5. ತಾಯಿ ಹೊಟ್ಟೇಲಿ ಮಗೂಗೆ 2 ತಿಂಗ್ಳಾಗಿದ್ದಾಗ್ಲೇ ಕಣ್ ಬೆಳೆಯಕ್ ಶುರುವಾಗಿರುತ್ತೆ
ಅಂದ್ರೆ ಎಷ್ಟು ಮುಖ್ಯ ಇರಬೇಕು ನೋಡಿ!

6. ಪ್ರತಿಯೊಂದು ಕಣ್ಣಿನ ತೂಕ ಸುಮಾರು 8 ಗ್ರಾಂ ಇರುತ್ತೆ
ಅಗಲ ಸುಮಾರು 2.5 ಸೆಂಟಿಮೀಟರ್ ಇರುತ್ತೆ.

7. ಕಣ್ಣಿನ ಗುಡ್ಡೆಯಲ್ಲಿ ನಮ್ಗೆ ಕಾಣೋದು ಬರೀ ಆರನೇ ಒಂದು ಭಾಗ ಮಾತ್ರ
ಉಳಿದದ್ದು ಒಳಗಿರುತ್ತೆ

8. ಒಂದು ಅಂದಾಜಿನ್ ಪ್ರಕಾರ ನಮ್ ಇಡೀ ಜೀವನ್ದಲ್ಲಿ ನಮ್ ಕಣ್ಣು ಸುಮಾರ್ 2.4 ಕೋಟಿ ನೋಟಗಳ್ನ ನೋಡಿರುತ್ತೆ!
ಸಾಕಾ?

9. ಹೆಬ್ಬೆಟ್ಟಿನ ಗುರುತಿನ ಥರ ಕಣ್ಣಲ್ಲಿರೋ "ಐರಿಸ್" ಕೂಡಾ ನಿಮ್ಮದೇ ಆದ ಗುರುತಾಗಿರುತ್ತೆ

ನೀವ್ ಹೆಬ್ಬೆಟ್ ಒತ್ದಾಗ ಆ ಗುರುತಲ್ಲಿ ಸುಮಾರು 40 ತಮ್ಮದೇ ಆದ ಗುಣ ಲಕ್ಷಣಗಳು ಕಾಣುತ್ವೆ. ಇದು ಒಬ್ಬೊಬ್ರಿಗೂ ಬೇರೆ ಥರಾನೇ ಇರುತ್ತೆ. ನಿಮ್ ಹೆಬ್ಬೆಟ್ಟಿನ ಥರ ಇನ್ನೊಬ್ರ ಹೆಬ್ಬೆಟ್ ಇರಲ್ಲ. ಅದೇ ಥರ ಕಣ್ಣಲ್ಲಿ ಐರಿಸ್ ಅಂತ ಇರುತ್ತೆ - ಅದ್ರಲ್ಲಿ 256 ಲಕ್ಷಣಗಳಿರುತ್ವೆ. ಅದಕ್ಕೇ ಇರ್ಬೇಕು ಸೆಕ್ಯುರಿಟಿ ಹೆಚ್ಚಿಸೋಕ್ಕೆ ಇತ್ತೀಚೆಗೆ ಹೆಬ್ಬೆಟಿನ್ ಬದ್ಲು ಕಣ್ಣನ್ನೇ ಸ್ಕ್ಯಾನ್ ಮಾಡೋದೇ ಜಾಸ್ತಿ ಆಗ್ತಾ ಇರೋದು.

10. ಕಣ್ ರೆಪ್ಪೇನ ಅಲ್ಲಾಡಿಸಿದಷ್ಟು ಸುಭವಾಗಿ ನಾವು ಮೈಯ್ಯಲ್ಲಿ ಬೇರೆ ಯಾವ್ದೇ ಮಾಂಸ ಖಂಡಾನ ಅಲುಗಾಡಿಸೋಕ್ಕಾಗಲ್ಲ
ನಮ್ ಇಡೀ ಮಯ್ಯಲ್ಲಿ ಕಣ್ ರೆಪ್ಪೆನೇ ತುಂಬಾ ಬೇಗ ಅಲುಗೋಕ್ಕಾಗೋದು. ಒಂದ್ ಸೆಕೆಂಡಲ್ಲಿ ನಾವು 5 ಸಲ ಕಣ್ ಮಿಟುಕಿಸ್ಬೋದು! ಒಂದ್ ಸಲ ಕಣ್ ಮಿಟುಕ್ಸಕ್ಕೆ 100-150 ಮಿಲಿಸೆಕೆಂಡ್ ಬೇಕಾಗುತ್ತಂತೆ! ಒಂದ್ ನಿಮಿಶದಲ್ಲಿ ಸುಮಾರು 17 ಸಲ ಕಣ್ ಮಿಟುಕಿಸ್ತೀವಿ. ದಿನದಲ್ಲಿ 14,280 ಸಲ, ವರ್ಷದಲ್ಲಿ 52 ಲಕ್ಷ ಸಲ!

11. ಒಂದ್ ಗಂಟೇಲಿ ಕಣ್ಣು ಸುಮಾರು 36,000 ಮಾಹಿತಿಯ ತುಣುಕುಗಳ್ನ ಮೆದುಳಿಗೆ ತಂದು ಒಪ್ಪಿಸುತ್ತೆ
ಅಂದರೆ ಸೆಕೆಂಡಿಗೆ 10.

12. ಹತ್ತು ಸಾವಿರ ವರ್ಷದ ಹಿಂದೆ ಎಲ್ಲರ ಕಣ್ಣು ಕಂದು ಬಣ್ಣದ್ದೇ ಆಗಿತ್ತು
ತುಂಬಾ ಹಿಂದೆ ಎಲ್ಲಾರ್ಗೂ ಕಣ್ಣು ಕಂದು ಬಣ್ಣಕ್ಕೇ ಇತ್ತಂತೆ! ಯಾವನೋ ಒಬ್ಬಂಗೆ ಅದೆಂಗೋ ನೀಲಿ ಕಣ್ ಬಂತಂತೆ ಆಮೇಲೆ ತುಂಬಾ ಜನಕ್ಕೆ ನೀಲಿ ಕಣ್ ಬರೋಕ್ಕೆ ಶುರುವಾಯ್ತಂತೆ. ಈ ಲೆಕ್ಕದ್ ಪ್ರಕಾರ ನೀಲಿ ಕಣ್ ಇರೋರೆಲ್ಲಾ ಒಂದಲ್ಲಾ ಒಂದ್ ಥರ ದೂರದ್ ನೆಂಟ್ರೇ! ಕಂದು ಬಣ್ಣದ ಕಣ್ ಗುಡ್ಡೆ ಇರೋರಿಗೆ, ಕಣ್ಣಿನ ಕೆಳಗಿನ ಪದರ ನೀಲಿ ಇರುತ್ತೆ. ಲೇಸರ್ ಕೈಚಳಕದಿಂದ ಶಾಶ್ವತವಾಗಿ ಕಣ್ಣನ್ನ ನೀಲಿಯಾಗೋಹಾಗ್ ಮಾಡ್ಬೋದಂತೆ!

13. ನಿಮ್ ಕಣ್ಣು ಒಂದ್ ಸೆಕೆಂಡಲ್ಲಿ ಸುಮಾರ್ 50 ವಸ್ತುಗಳನ್ನ ನೋಡುತ್ತೆ!
ಇದರಲ್ಲಿ ಹತ್ತು ಮಾತ್ರ ಮೆದುಳಿಗೆ ಹೋಗುತ್ತೆ.

14. ಕಣ್ಣು ಮೆದುಳಿಗೆ ಕಳಿಸೋ ಚಿತ್ರಗಳು ತಲೆಕೆಳಗಾಗಿರುತ್ತವೆ!
ಇದೊಂತರಾ ಕ್ಯಾಮರಾ ಥರ. ಫೋಟೋ ತೆಗ್ದು ಮೆದುಳಿಗೆ ಕಳಿಸ್ತಾ ಇರುತ್ತೆ.

15. ಮೈಯ್ಯಲ್ಲಿರೋ ಎಲ್ಲಾ ಅಂಗಗಳಿಗೆ ಹೋಲಿಸಿದರೆ ಕಣ್ಣೇ ತುಂಬಾ ಚುರುಕು
ಬೇರೆ ಅಂಗಗಳಿಗೆಲ್ಲಾ ಚುರುಕಾಗಕ್ಕೆ ಸೊಲ್ಪ ಹೊತ್ತು ತಗೊಳುತ್ತೆ. ಆದ್ರೆ ಕಣ್ಣು ಯಾವಾಗ್ಲೂ ಚುರುಕಾಗಿರುತ್ತೆ.

16. 5 ತಿಂಗ್ಳಿಗೆ ಒಂದ್ ಸಲ ಕಣ್ರೆಪ್ಪೆ ಕೂದ್ಲು ಬದಲಾಗುತ್ತೆ!
ಎಷ್ಟೇ ಆದರೂ ಕೂದಲಲ್ಲವೇ? ಬೀಳಲೇ ಬೇಕು...

17. ಫೋಟೋನಲ್ಲಿ ಒಂದು ಕಣ್ಣಲ್ಲಿ ಮಾತ್ರ ಕೆಂಪು ಚುಕ್ಕಿ ಕಂಡ್ರೆ ಅದು ಕಣ್ಣಿನ ಕ್ಯಾನ್ಸರ್ ಇರಬಹುದು
ಫ್ಲಾಶ್ ಹಾಕಿ ತೆಗೆದ ಫೋಟೋದಲ್ಲಿ ಮಾತ್ರ ಈ ಥರ. ಪುಣ್ಯ ಏನಂದ್ರೆ, ಇದಕ್ಕೆ ಔಷದಿ ಇದೆ, 95% ಸರಿ ಮಾಡ್ಬೋದಂತೆ...

18. ನಮ್ಮಲ್ಲಿ ಕೆಲವರು ಮೆಳ್ಗಣ್ಣು ಇರೋದು ಅದೃಷ್ಟ ಅಂತಾರೆ
ಆದರೆ ಯಾಕೋ ಗೊತ್ತಿಲ್ಲ.
19. ಮನುಷ್ಯನ್ನ ಬಿಟ್ಟರೆ ನಾಯಿಗಳಿಗೆ ಮಾತ್ರ ಕಣ್ಸನ್ನೆ ಅರ್ಥವಾಗೋದು
ಬೇರೆ ಯಾವ್ದೇ ಪ್ರಾಣಿಗೆ ಅದು ಆಗಲ್ಲ. ಅಷ್ಟೇ ಅಲ್ಲ, ನಾಯಿಗಳಿಗೆ ಮನುಷ್ಯರ ಕಣ್ಸನ್ನೆ ಮಾತ್ರ ಅರ್ಥವಾಗೋದು.

20. ಹೆಂಗಸರಿಗೆ ಗಂಡಸರಿಗಿಂತ ಜಾಸ್ತಿ ಬಣ್ಣಗಳು ಕಾಣಿಸುತ್ತವೆ
ಎಲ್ಲಾ ಹೆಂಗಸ್ರೂ ಅಲ್ಲ... ಹೆಂಗಸ್ರಲ್ಲಿ 2% ಜನಕ್ಕೆ ಮಾತ್ರ ಕಣ್ಣಲ್ಲಿ ಒಂದು ಅಪರೂಪದ ಗುಣ ಇರುತ್ತೆ; ಇದ್ರಿಂದ ಔರು ಸುಮಾರು 10 ಕೋಟಿ ಬಣ್ಣಗಳನ್ನ ನೋಡ್ಬೋದಂತೆ!

21. ಕಣ್ಣಿಗೆ ಕಾಣದೇ ಇರೋ ಬಣ್ಣಗಳೂ ಇವೆ!
ಕಣ್ಣಿಗೆ ಕೆಲವು ಬಣ್ಣ ನೋಡಕ್ಕಾಗಲ್ಲ. ಅಂತಾ ಬಣ್ಣಗಳನ್ನ "ಇಂಪಾಸಿಬಲ್ ಕಲರ್ಸ್" ಅಂತಾರಂತೆ. ನಾವ್ ಕನ್ನಡದಲ್ಲಿ "ಕಾಣಲಾಗದ ಬಣ್ಣಗಳು" ಅನ್ಬೋದು.

22. ಪ್ರಾಣಿಗಳಿಗೆ ಮೊದ್ಲು ಕಣ್ ಬಂದಿದ್ದು 50 ಕೋಟಿ ವರ್ಷಗಳ ಹಿಂದೆಯಂತೆ
ಇದು ಫೋಟೋರಿಸೆಪ್ಟರ್ ಪ್ರೋಟೀನಿಂದ ಮೊದ್ಲು ಹುಟ್ಟಿದ್ದಂತೆ!

23. ಈಗತಾನೇ ಹುಟ್ಟಿದ ಮಕ್ಕಳಿಗೆ ಬಣ್ಣಗಳು ಕಾಣಲ್ಲ
ಅಂದರೆ ಅವುಗಳಿಗೆ ‘ಬಣ್ಣಗುರುಡು’ ಇರುತ್ತದೆ.

25. ಕಣ್ಣಿಗೆ ಆಗೋ ಕೆಲವು ಗಾಯಗಳು ಬಹಳ ಬೇಗ ವಾಸಿ ಆಗುತ್ತವೆ
ಸರಿಯಾಗಿ ಆರೈಕೆ ಮಾಡ್ಕೊಂಡ್ರೆ ಕಾರ್ನಿಯಾ ಮೇಲೆ ತರಚುಗಾಯ ಆದ್ರೂ 48 ಗಂಟೆಗಳಲ್ಲಿ ಸರಿಹೋಗ್ಬೋದಂತೆ.

26. ಕಣ್ಣಿನಷ್ಟು ಬೇಗ ಯಾವ ಕ್ಯಾಮರಾಗೂ ಫೋಕಸ್ ಮಾಡಕ್ಕಾಗಲ್ಲ
ಪ್ರಪಂಚದ ಬೇರೆಯಾವ್ದೇ ಕ್ಯಾಮರಾದಲ್ಲಿ ನೀವು ಆಟೋ ಫೋಕಸ್ ಇಟ್ರೂ, ನಿಮ್ ಕಣ್ಣಿನ ಲೆನ್ಸಿನಷ್ಟು ಸ್ಪೀಡಾಗಿ ಕ್ಯಾಮರಾ ಫೋಕಸ್ ಕೆಲ್ಸ ಮಾಡಕ್ಕಾಗಲ್ಲ!

27. ನಾವು ಕಣಿಂದ ನೋಡಲ್ಲ, ಮೆದುಳಿಂದ ನೋಡ್ತೀವಿ
ಎಷ್ಟೋಸಲ ಕಣ್ ಮಂಜಾಗೋದು, ಕಣ್ ಕತ್ಲಾಗೋದು ಅದೆಲ್ಲಾ ಮೆದುಳಿನ ಸಮಸ್ಯೆಗಳಾಗಿರುತ್ವೆ. ಕಣ್ಣಲ್ಲಿ ಯಾವ್ದೇ ತೊಂದ್ರೆ ಇರಲ್ಲ.

28. ಮನುಷ್ಯನ ಕಣ್ಣಿಗೆ ಶಾರ್ಕ್ ಮೀನಿನ ಕಣ್ಣಿನ ಕಾರ್ನಿಯಾ ಜೋಡಿಸಬೋದು
ಮನುಷ್ಯನ ಕಣ್ಣಿನ ಕಾರ್ನಿಯಾಗಳು ಶಾರ್ಕ್ ಮೀನಿನ ಕಣ್ಣಿನ ಕಾರ್ನಿಯಾಗಳಿಗೆ ಎಷ್ಟು ಹತ್ತಿರವಾಗಿರುತ್ತೆ ಅಂದ್ರೆ, ಮನುಷ್ಯನ ಕಣ್ಣಿಗೆ ಶಾರ್ಕ್ ಮೀನಿನ ಕಾರ್ನಿಯಾ ಜೋಡಿಸಬೋದು

29. ಹುಟ್ಟಿನಿಂದ ಕುರುಡು ಇಲ್ದೇ ಇರೋರು ಕನಸು ಕಾಣ್ಬೋದು
ಹುಟ್ಟಿನಿಂದಾನೇ ಕುರುಡಾಗಿದ್ರೆ ಕನಸು ಕಾಣೋಕ್ಕಾಗಲ್ಲ.

30. ನಿಮ್ಮ ಮೆದುಳಿಗೆ 65% ಕೆಲಸ ಕಣ್ಣುಗಳೇ ಕೊಡುತ್ವೆ
ಬೇರೆ ಯಾವ್ದೇ ಅಂಗ ಮೆದುಳಿಂದ ಇಷ್ಟೊಂದ್ ಕೆಲ್ಸ ತೆಗಿಯಲ್ಲ.